Ұлттық бірыңғай тестілеуді өткізудің қорытынды ережелері
Қорытынды ережелер46. ҰБТ тапсырған бітірушілерге:
сертификат;
жалпы орта білімі туралы аттестат (бұдан әрі – аттестат) беріледі.
47. Сертификат ҰБТ тапсырған күннен бастап күнтізбелік үш күн ішінде ҰБТӨП-те беріледі.
Сертификатқа ҰБТ шеңберінде тапсырылған әрбір пән бойынша балдары қойылады.
Сертификат МК төрағасының, Министрлік өкілінің қолымен расталады және оған базасында ҰБТӨП ұйымдастырылған жоғары оқу орындарының немесе жергілікті білім беруді басқару органдарының мөрімен бекітіледі.
48. Аттестатты ҰБТ-ны тапсырған кезде бітірушілер білім алған білім беру ұйымдары береді. Аттестатқа ҰБТ шеңберінде тапсырылған жалпы білім беретін пәндер бойынша МК шешіміне сәйкес ҰБТ-да алынған бағалары қойылады.
